සිතුවිල්ල

         නිහඩ පෙම්වතිය

එකමත් එක හවසක අපි දෙන්නා

කාටත් හොරා රහසේ පෙම් සුව වින්දා

මතකද උබට මට එක පොරොන්දුවක් උනා

තනි නොකරමි කෙදිනකවත් මගෙ මැනිකා

හදවත පසාරුවෙයි නිතරම ඔබ සිහිවී

එනමුත් දුකක් නැත ඔබ සතුටින් යැයි සිහිවී

මා හැර ගියත් ඔබ වෙත දුක් නොම වේවී

සතුටින් ඉදපන් මැනික යමි ඔබගෙන් වෙන්වී

දෙනෙතින් වැටෙන කදුලැලිවල නිමක් නැති 

දිනයක් නොතිබුනි ඔබ හා එක්වී ඉද්දි

අහන් බැනුම්වල නම් ඉවරයක් නැති

එනමුත් ඉවසුවේ ආලය නිසාවෙනි

ලෝකය ඉදිරියේ උන්නත් හිනාවෙලා

මා පමණකි දන්නේ සිතෙ ඇති සංකා

මගෙ වේදනා පිටතට දෙනු නොහැකි නිසා

තනිවම විදවමි මතකය සිහිකරලා

හීන මැව්වෙ හැමදා ඔබ ලඟ ඉන්න

මා අතහැර ඔබ වෙන තුරුලක ඔන්න

හැමවිට සිතුවෙ සිරාකොක්ක ඔබ වෙන්න

සරසවි මෑණියනි මම තනි වී ඔන්න

තල්වැට දිහා බලන් ඉදිමි අද තනිව

ජිම් කැන්ටිමත් තනි වී දැන් අප නැතිව

මී අඹේ ලඟින් යනවිටදී ඔබෙ සුවඳ

දැනේවි මැනික හැමදාමත් උබෙ දෝණිට

දුක නැත හිතේ කොතැනකවත් ඔබ වෙනුවෙන්

ඇත මට හීන ගොන්නක් මව්පියො වෙනුවෙන්

සැබෑ කරන්නට මම ගත්තෙමි අදිටන්

අරඹමි ජීවිතය අලුතෙන් අදින් පටන්

පද රචනය- ශෂිනි දිල්හාරා